blog.msniraula.com.np

  भोटेकोशीको बाढीपछि : संकटमा भाइब्रेन्ट, अनुसन्धानमा मौन र पुनर्निर्माणमा सन्तुलन चाहिन्छ हिमालमा केही परिवर्तन हुन्छ, त्यसको असर नदीमा देखिन्छ र नदीको असर अन्ततः मानव बस्तीमा पुग्छ। त्यसैले हिमाल, हिउँ र नदीलाई छुट्टाछुट्टै होइन, एउटै प्रणालीका रूपमा बुझ्नुपर्ने समय आएको छ। नेपाल विपद्सँग अपरिचित देश होइन। हरेक वर्ष बाढी, पहिरो, हिमपहिरो र अन्य प्राकृतिक विपत्तिले जनधनको क्षति गरिरहेका हुन्छन्। विपत्ति आउँछ, उद्धार हुन्छ, राहत वितरण हुन्छ, केही समय बहस चल्छ र विस्तारै घटना हाम्रो सार्वजनिक स्मृतिबाट हराउन थाल्छ। तर केही विपत्तिहरू यस्ता हुन्छन्, जसले केवल भौतिक संरचना भत्काउँदैनन्। तिनले हाम्रो सोच्ने तरिका, विकासको मोडल र राज्यको तयारीमाथि प्रश्न उठाउँछन्। भोटेकोशीको बाढीलाई पनि यही दृष्टिबाट हेर्नुपर्ने आवश्यकता छ। प्रश्न केवल यति होइन, भोटेकोशीमा बाढी किन आयो ? अझ ठूलो प्रश्न हो, हिमालमा बदलिँदै गएको प्राकृतिक प्रणालीलाई बुझ्न नेपाल कति तयार छ ? संकटमा राज्य कति सक्रिय हुन्छ ? विपत्तिको पहिलो घडीमा नागरिकले दर्शन खोज्दैनन्। उनीहरूले उद्धार खोज्छन्। बाढीमा फसेको मानिसलाई तत्काल...