blog.msniraula.com.np

  युग परिवर्तन, मार्कण्डेय पुराण र बडा दशैं: अधर्मबाट धर्मतर्फको यात्राको सन्देश बडादशैं नेपाली समाजको सबैभन्दा ठूलो सांस्कृतिक तथा धार्मिक पर्वमध्ये एक हो। यो केवल टीका, जमरा, पूजा, पारिवारिक भेटघाट र उत्सवमा सीमित पर्व होइन; यसको धार्मिक, सांस्कृतिक र नैतिक पक्ष पनि उत्तिकै गहिरो छ। मार्कण्डेय पुराणअन्तर्गतको देवीमाहात्म्य अर्थात् दुर्गासप्तशती मा वर्णित देवी दुर्गा र महिषासुरको कथाले अधर्ममाथि धर्म, अत्याचारमाथि न्याय तथा अहंकारमाथि विवेकको विजयको प्रतीकात्मक सन्देश दिन्छ। आजको सन्दर्भमा दसैँलाई यही दृष्टिले हेर्दा एउटा महत्वपूर्ण प्रश्न उठ्छ। हामी देवीको पूजा त गर्छौँ, तर आफ्नै जीवन, समाज र राज्यव्यवस्थामा रहेका अन्याय तथा विकृतिविरुद्ध कति उभिएका छौँ? दशैं केवल पर्व होइन, परिवर्तनको प्रतीक मानव सभ्यताको इतिहासमा समाज निरन्तर परिवर्तन हुँदै आएको छ। कुनै व्यवस्था, सोच वा प्रवृत्ति मानवकल्याणको बाधक बन्दै जाँदा नयाँ चेतना र नयाँ मूल्यको आवश्यकता पैदा हुन्छ। यही प्रक्रियालाई व्यापक अर्थमा युग परिवर्तनका रूपमा बुझ्न सकिन्छ। बडादशैंले पनि सकारात्मक परिवर्तनको सन्देश बोकेको छ। द...